ABŞ-nin hərbi təyyarəsi QƏZAYA UĞRADI

Filippində fəlakətlərin idarə olunması təlimi zamanı ABŞ hərbi təyyarəsi beton maneəyə çırpılıb və göyərtədəki beş amerikalı hərbçi yaralanıb.

Ajans.az Associated Press-ə istinadən xəbər verir ki, adisə çərşənbə axşamı günortadan sonra şimaldakı Panqasinan əyalətinin Laoaq şəhərində baş verib. Pilot və digər iki amerikalı hərbçi müalicə üçün xəstəxanaya aparılıb, digər iki nəfər isə hadisə yerində ilkin tibbi yardım alıb. Təyyarə zədələnib.

Üç Filippin rəsmisinin sözlərinə görə, təlim təyyarənin alternativ eniş zonasına eniş etməsini və oradan havaya qalxmasını nəzərdə tutub və Filippin mülki, polis və hərbi orqanları ilə tam əlaqələndirilib.

Təlimin məqsədi silahlı qüvvələri tayfun və zəlzələlər zamanı adi hava limanlarının əlçatmaz olduğu hallara hazırlamaq idi.

Hadisənin səbəbi hələ araşdırılır.