İtaliyada Olimpiya obyektlərinə aparan dəmir yolu xətti YANDIRILIB

Şimali İtaliyada naməlum şəxslər Bormio və Livino şəhərlərinə aparan Lekko-Tirano dəmir yolu xəttində yanğın törədiblər. Hadisə nəticəsində Olimpiya obyektlərinə gedən yol təhlükəyə düşüb.

Ajans.az xəbər verir ki, bu barədə Corriere della Sera qəzeti polis və Lombardiya prokurorluğuna istinadən məlumat yayıb.

Hüquq-mühafizə orqanlarının məlumatına görə, yanğın yerli vaxtla təxminən saat 2:00 radələrində (Bakı vaxtı ilə saat 5:00) baş verib. Mübadilə məntəqəsində ümumilikdə 64 kvadrat metr sahədə yeddi kabel yanıb. Hadisə yerində tez alışan şüşə qalıqları aşkar edilib.

Polis hesab edir ki, bu hadisə Bolonya və Pesaroda dəmir yolu relslərində baş verən oxşar yanğınlarla əlaqəli ola bilər. Hazırda hüquq-mühafizə orqanları faktla bağlı araşdırmaları davam etdirir.