Bu ölkənin hökuməti İSTEFA EDİB

Keçid dövrünün Baş naziri Amadou Ouri Banın rəhbərlik etdiyi Qvineya hökuməti Prezident Mamadi Doumbouyanın fərmanı ilə istefaya göndərilib.

Ajans.az xəbər verir ki, bu barədə Guinea 360 xəbər portalı məlumat yayıb.

Portalın məlumatına görə, dövlət başçısı nazirliklərin baş katiblərinə yeni hökumət təyin olunana qədər öz departamentlərinin cari işlərini idarə etməyə davam etməyi tapşırıb. Yeni kabinet rəhbərinin adı və tərkibinin yaxın günlərdə açıqlanması gözlənilir.

Hökumətin istefası Prezident Doumbouyanın vəzifəyə başlamasından təxminən bir həftə sonra baş verib. O, 28 dekabr 2025-ci ildə keçirilən seçkilərdə qalib gəlib və Qvineyada prezidentlik səlahiyyətlərinə yeddi il müddətinə malikdir.