İsraildə 55 uşaq xəstəxanaya yerləşdirilib

İsrailin Qüds şəhərində uşaq bağçasında naməlum təhlükəli maddənin sızması nəticəsində 55 uşaq xəstəxanaya yerləşdirilib.

Ajans.az xəbər verir ki,Hadisə barədə məlumatı milli təcili tibbi yardım xidməti Magen David Adom (Davudun Qırmızı Qalxanı) yayıb.

Bəyanatda qeyd olunur: “Əlli beş uşaq yaralanıb və xəstəxanaya yerləşdirilib. Onlardan təxminən dörd aylıq iki körpənin vəziyyəti kritik qiymətləndirilir və onlar reanimasiyaya yerləşdirilib”.

Ynet portalının məlumatına görə, polis özəl uşaq bağçasında istilik cihazından təhlükəli kimyəvi maddənin sızması şübhəsi ilə araşdırma aparır. Hadisənin səbəbləri hələ dəqiqləşdirilməyib və təhlükəsizlik tədbirləri gücləndirilib.