İsrailin hərbi vertolyotu qəzaya UĞRAYIB

İsrail Hərbi Hava Qüvvələrinə məxsus vertolyot havada kabelin qırılması səbəbindən daşıma cəhdi zamanı qəzaya uğrayıb.

Ajans.az xarici KİV-lərə istinadən xəbər verir ki, qəza Amerika istehsalı UH-60 Black Hawk və İsrail istehsalı Yanshuf (ibranicə “Bayquş”) çoxməqsədli vertolyotu ilə əlaqədar baş verib. 13 yanvarda hava şəraiti səbəbindən açıq əraziyə təcili eniş edən vertolyotu cümə səhəri digər bir vertolyota qoşaraq geri gətirməyə çalışıblar, lakin kabelin qırılması nəticəsində Yanshuf qəzaya uğrayıb.

İsrail Hərbi Hava Qüvvələri hadisədə heç kimin xəsarət almadığını bildirir və qəzanın səbəblərini araşdırmaq üçün xüsusi komissiya yaradılıb.