Nigeriyada yaraqlılar 30-dan çox insanı öldürüblər

Silahlı şəxslər Nigeriyanın şimalındakı bir qəsəbənin 30-dan çox sakinini öldürüb və bir neçəsini girov götürüblər.

Ajans.az-ın məlumatına görə, bu barədə "Vanguard News" portalı xəbər yayıb.

Bu arada yerli sakinlər 37 nəfərin öldüyünü bildirirlər. Girov götürülənlərin sayı araşdırılır.

Məlumata görə, silahlı şəxslər motosikletlərlə Niger ştatında yerləşən Kasuvan-Daji qəsəbəsinə basqın edərək, nizamsız atəş açıblar. Onlar mağazaları talan ediblər və yerli bazarı yandırıblar.

Nigeriyanın müxtəlif yerlərində fəaliyyət göstərən böyük dəstələr soyğunçuluq, qətl, girov götürmə və mal-qara oğurluğu ilə məşğuldurlar.