Qreta Tunberq mitinq zamanı SAXLANILIB

İsveçli iqlim fəalı Qreta Tunberq Londonda keçirilən və Fələstin Hərəkatına dəstək məqsədilə təşkil olunmuş mitinq zamanı saxlanılıb.

Ajans.az xəbər verir ki,bu barədə Sky News məlumat yayıb.

Məlumata görə, Tunberq aksiyada əlində “Mən Fələstin Hərəkatı Məhbuslarını Dəstəkləyirəm. Mən Soyqırıma Qarşıyam” yazılı banner tutub. Hərəkatın fəalları əvvəllər hərbi hava bazasına daxil olaraq iki yanacaqdoldurma təyyarəsinə zərər verdiklərinə görə Böyük Britaniyada qadağan olunublar.

Nəşr qeyd edir ki, Fələstin Hərəkatına dəstək bannerinin nümayiş etdirilməsi 2000-ci il Terrorizm Qanununa zidd sayılır. Tunberqin saxlanma səbəbi və hadisə ilə bağlı əlavə detallara dair məlumatlar hələ açıqlanmayıb.