Nüvə fizikçisi ÖLDÜRÜLÜB

Massaçusets Texnologiya İnstitutunun (MIT) nüvə fizikası professoru Nuno Loureiro ABŞ-ın Bruklin şəhərindəki evində baş verən hücum nəticəsində ölüb.

Ajans.az CNN-ə istinadən xəbər verir ki, 47 yaşlı Loureiro güllə yaraları ilə yerli xəstəxanaya aparılıb və orada həyatını itirib.

Hadisə zamanı professorun mənzilinin yaxınlığında yaşayan 22 yaşlı tələbə üç yüksək səslə partlayış eşitdiyini və bunları silah səsləri kimi qəbul etdiyini bildirib. Tələbə qeyd edib:

"Mən heç vaxt bu qədər yüksək səs eşitməmişəm."

Professor Nuno Loureiro güclü günəş partlayışlarının əmələ gəlməsini və iqlim dəyişikliyi ilə mübarizə aparmaq məqsədilə nüvə birləşməsi yolu ilə təmiz və demək olar ki, sonsuz enerji istehsalını araşdırırdı. Onun bu sahədəki töhfələri yüksək qiymətləndirilib və bir sıra mükafatlarla təltif olunub.

İlkin məlumatlara görə, Bruklin polisi hadisəni araşdırır və səbəbləri müəyyən etmək üçün istintaq aparılır.