Ağ Ev bayram işıqları ilə işıqlandırıldı

Ağ Evdə ənənəvi bayram mərasimi keçirilib: prezident Donald Tramp və birinci xanım Melaniya Tramp cənub tərəfdəki parkda bayram ağacının işıqlarını yandırıblar.

Ajans.az xəbər verir ki,bayram ağacı Virciniyadan gətirilib. Milli müsabiqədə qalib gələn ferma ağacı bağışlamaq hüququ qazanıb. Mərasimdən əvvəl qonaqlar Amerika pop ulduzlarının ifaları ilə əyləniblər.

Qeyd edək ki, ABŞ-da Milad 25 dekabrda qeyd olunur və Ağ Evdə bayram ağacının işıqlarını yandırmaq ənənəsi bir əsrdən çoxdur ki, davam edir. İlk dəfə bu mərasimi 1923-cü ildə Kelvin Kulic həyata keçirib.