ABŞ Sülh İnstitutuna Donald Trampın adı verilib

ABŞ Dövlət Departamenti ABŞ Sülh İnstitutunun adını Prezident Donald Trampın adı ilə dəyişdirib.

Ajans.az xəbər verir ki,bu barədə məlumat qurumun rəsmi sosial media hesabında yayımlanıb.

“Bu səhər Dövlət Departamenti keçmiş ABŞ Sülh İnstitutunun adını ölkəmizin tarixindəki ən böyük danışıqçıya çevirmək üçün dəyişdirib. Donald J. Tramp Sülh İnstitutuna xoş gəlmisiniz. Ən yaxşısı hələ qabaqdadır”, — paylaşımda qeyd olunub.

1984-cü ildə ABŞ Konqresi tərəfindən yaradılmış bu müstəqil, qeyri-kommersiya təşkilatı dünyanın müxtəlif regionlarındakı münaqişələrin həllində ABŞ icra hakimiyyətini dəstəkləməyə həsr olunub.