Rusiya–NATO Şurası ləğv edilib

NATO-nun baş katibi Mark Rutte blokun üzv ölkələrinin xarici işlər nazirlərinin iclası zamanı Rusiya–NATO Şurasının ləğv edildiyini açıqlayıb.

Ajans.az xəbər verir ki,bu barədə Polşanın xarici işlər naziri Radoslav Sikorski məlumat verib.

“Rusiya–NATO Şurası artıq mövcud deyil”, – Sikorski bildirib. Onun sözlərinə görə, “Rusiya–NATO Təsis Qanunu da qüvvədə deyil”.

Nazir əlavə edib ki, Varşava uzun müddət bu qərarı gözləyirdi: “Bu gün biz Rusiyaya qarşı Avropa təhlükəsizliyini formalaşdırırıq. Və bu, artıq institusional şəkildə təsbit olunub.”