Vyetnamda daşqınlar: 43 ölü, 9 nəfər itkin

Vyetnamda güclü yağışların səbəb olduğu daşqınlar və torpaq sürüşmələri nəticəsində 43 nəfər həyatını itirib, 9 nəfər isə itkin düşüb.

Ajans.az Vietnamnews-a istinadən xəbər verir.

Xilasetmə xidmətləri 61 mindən çox insanı təhlükəsiz ərazilərə təxliyə edib. Təbii fəlakət nəticəsində 146 evə ciddi ziyan dəyib, 52 mindən çox sakin su altında qalıb. Ayrıca, daşqınlar 13 min tondan çox düyü və digər kənd təsərrüfatı məhsullarını məhv edib. Ümumilikdə, bölgədə 30 mindən artıq mal-qara və quş növü tələf olub.

Hakimiyyət orqanlarının açıqlamasına görə, fəlakətin indiyədək vurduğu ziyanın məbləği 3 trilyon donq (təxminən 113 milyon dollar) təşkil edir.