Daha bir müzeydə əsərlər oğurlanıb

Böyük Britaniyanın Uels ştatının Kardiff şəhərində yerləşən Müqəddəs Faqans Milli Tarix Muzeyindən nadir Tunc dövrünə aid qızıl zinət əşyaları oğurlanıb. Əşyalar arasında Powys-dan dörd nəhəng bilərzik və Tunc dövründə boyunbağı kimi taxılan aypara formalı lunula da var. Hər iki əşya vitrindən götürülüb.

Ajans.az xəbər verir ki,bu barədə Telegraph qəzeti Uels Polisinə istinadən məlumat yayıb.

Uels polisi artıq oğurluqla bağlı 45 yaşlı bir qadını həbs edib, lakin o, daha sonra girov müqabilində azadlığa buraxılıb. Oğurluğun digər iştirakçılarının axtarışı davam edir.

Polis itkin düşmüş əsərlərin kolleksiyadakı ən dəyərli əşyalar ola biləcəyini bildirir. Bilərziklər və lunula ilə yanaşı, Powys və Carmarthenshire bölgələrindən səkkiz digər qızıl əşya – hamısı Orta Tunc dövrünə aid – də itkin düşüb. Muzey təhlükəsizliyi gücləndirib, lakin işçilər unikal əsərlərin itirilməsinin böyük ziyan olduğunu etiraf edirlər.