Papa Leo Hollivud ulduzlarını Vatikana dəvət edir

Papa Leo Hollivud ulduzlarına üz tutaraq, Keyt Blanşett, Viqqo Mortensen və Monika Belluççi də daxil olmaqla aktyor və rejissorları "təxəyyül zəvvarları" kimi işlərini davam etdirməyə və "ümid gətirməyə" çağırdı.

Ajans.az bu barədə BBC-ə istinadən xəbər verir.

Bu toplantı Vatikanda ilk dəfə keçirildi.

Klementin Zalının möhtəşəm freskalarının altında Papa Leo italyan dilində danışaraq kinonun əyləndirmək və maarifləndirmək gücünü və heyrətləndirmək qabiliyyətini təriflədi.

Papa bildirib ki, "Zorakılıq, yoxsulluq, sürgün, tənhalıq, asılılıq və unudulmuş müharibələr qəbul edilməli və danışılmalı olan məsələlərdir. Yaxşı kino ağrıdan istifadə etmir; onu tanıyır və araşdırır. Bütün böyük rejissorlar bunu ediblər."