Alimlər 375 ildir yoxa çıxmış qitəni kəşf etdilər

Alimlər təxminən 375 ildir ki, göz qabağında gizlənən itmiş qitəni – Zealandiya və ya Maori dilində Te Riu-a-Māui-ni – kəşf ediblər.

Ajans.az TN News-a istinadən xəbər verir ki,  Zealandiya 1,89 milyon kvadrat mil (təxminən 4,9 milyon kvadrat kilometr) əraziyə malikdir. O, təxminən 500 milyon il əvvəl Qərbi Antarktida və Şərqi Avstraliyanın böyük hissəsini əhatə edən Qondvana adlı superqitənin tərkib hissəsi olub.

 Zealandiya haqqında ilk qeydlər 1642-ci ildə holland dənizçisi və taciri Abel Tasman tərəfindən aparılıb. Tasman “Böyük Cənub Qitəsini” axtararkən bu əraziyə gəlib. O, yeni torpaq tapa bilməsə də, yerli Maori qəbilələri ilə qarşılaşıb və onlardan bölgədə, xüsusilə də şərq istiqamətində böyük bir quru sahəsinin mövcudluğu barədə məlumat əldə edib.

Bununla belə, qitənin elmi təsdiqi yalnız 2017-ci ildə baş verib. Geoloqlar müəyyən ediblər ki,  Zealandiya minilliklər ərzində okean səviyyəsinin altına bataraq “göz qabağında gizlənib”.