Kriştiano Ronaldo Forbes-in 2025-ci il siyahısına başçılıq edir

“Forbes” dünyanın ən çox qazanan futbolçularının 2025-ci il üzrə siyahısını açıqlayıb.Nüfuzlu maliyyə jurnalı siyahının tərtibində futbolçuların həm meydandakı qazancını (maaş və bonuslar daxil olmaqla), həm də meydandan kənar fəaliyyətlərdən — sponsorluq müqavilələri, reklam çəkilişləri və tədbirlərdə iştirakdan əldə etdikləri gəlirləri nəzərə alıb.

Ajans.az “Forbes”-a istinadən xəbər verir ki, siyahıya daxil olan 10 futbolçu ümumilikdə 945 milyon dollar qazanıb. Bu rəqəm ötən illə müqayisədə 4 faiz azdır.

2025-ci ildə dünyanın ən çox qazanan futbolçuları:

1. Kriştiano Ronaldo (Əl-Nəsr) – 280 milyon dollar  • Meydanda: 230 milyon dollar  • Meydandan kənarda: 50 milyon dollar
2. Lionel Messi (İnter Mayami) – 130 milyon dollar  • Meydanda: 60 milyon dollar  • Meydandan kənarda: 70 milyon dollar
3. Kərim Benzema (Əl-İttihad) – 104 milyon dollar  • Meydanda: 100 milyon dollar  • Meydandan kənarda: 4 milyon dollar
4. Kilian Mbappe (Real Madrid) – 95 milyon dollar  • Meydanda: 70 milyon dollar  • Meydandan kənarda: 25 milyon dollar
5. Erlinq Haaland (Mançester Siti) – 80 milyon dollar  • Meydanda: 60 milyon dollar  • Meydandan kənarda: 20 milyon dollar
6. Vinisius Junior (Real Madrid) – 60 milyon dollar  • Meydanda: 40 milyon dollar  • Meydandan kənarda: 20 milyon dollar
7. Mohamed Salah (Liverpul) – 55 milyon dollar  • Meydanda: 35 milyon dollar  • Meydandan kənarda: 20 milyon dollar
8. Sadio Mane (Əl-Nəsr) – 54 milyon dollar  • Meydanda: 50 milyon dollar  • Meydandan kənarda: 4 milyon dollar
9. Jude Bellingham (Real Madrid) – 44 milyon dollar  • Meydanda: 29 milyon dollar  • Meydandan kənarda: 15 milyon dollar
10. Lamine Camal (Barselona) – 43 milyon dollar  • Meydanda: 33 milyon dollar  • Meydandan kənarda: 10 milyon dollar