Dağıdıcı zəlzələ baş verib- Bu ölkədə...

Cümə günü Papua-Yeni Qvineyanın Bismark dənizi akvatoriyasında güclü zəlzələ qeydə alınıb.

Ajans.az xəbər verir ki,Rusiya Elmlər Akademiyasının Birləşmiş Geofizika Xidmətinin Altay-Sayan bölməsinin verdiyi operativ məlumata görə, yeraltı təkanların maqnitudası 5,9 bal təşkil edib.

Zəlzələ Bakı vaxtı ilə saat 06:08-də baş verib. Yeraltı təkanların episentri Yeni Qvineya adasının Lae şəhərindən 429 kilometr şimalda, Manus adasından isə 134 kilometr cənub-şərqdə yerləşib.

Mütəxəssislər episentrdə qeydə alınan silkələnmənin intensivliyini nəzərə alaraq, bu seysmik hadisəni “dağıdıcı” kimi qiymətləndiriblər.

ABŞ Geoloji Xidməti isə zəlzələnin maqnitudasını 6 bal olaraq müəyyən edib. Amerikalı seysmoloqların məlumatına əsasən, yeraltı təkanlar 10 kilometr dərinlikdə baş verib.

Hazırda təbii fəlakət nəticəsində dağıntılar və mümkün tələfatla bağlı məlumatlar dəqiqləşdirilir.