Bəşər Əsədə həbs qərarı ÇIXARILDI

Suriyada sabiq prezident Bəşər Əsədə qarşı həbs qərarı çıxarılıb.

Ajans.az xəbər verir ki, bu barədə SANA agentliyi məlumat yayıb.

“2011-ci ildə Dəraa şəhərində baş vermiş hadisələrlə bağlı irəli sürülmüş ittihamlar üzrə Bəşər Əsəd barəsində qiyabi həbs qərarı verilib”, – deyə məlumatda qeyd olunur.

Bundan əvvəl Suriya Xalq Məclisinə (parlamentə) seçkilərin keçiriləcəyi tarix məlum olub. Seçkilərin 5 oktyabr tarixində keçirilməsi nəzərdə tutulub.

Sentyabr ayında isə keçid dövrü üzrə respublikanın prezidenti Əhməd əş-Şəraa son 58 ildə ilk dəfə olaraq ABŞ-a səfər edib.

Xatırladaq ki, Bəşər Əsəd 8 dekabr 2024-cü ildə müxalifətin silahlı birləşmələrinin Dəməşqə daxil olmasından sonra prezident postunu tərk edərək ölkəni tərk etmişdi.