Zaqatalada motosikletlə maşın toqquşdu - Xəsarət alanlar var

Zaqatalada motosikletlə minik avtomobili toqquşub.

Ajans.az xəbər verir ki, hadisə günorta saatlarında Zaqatala-Qax avtomobil yolunda, rayonun Muxax kəndi ərazisində baş verib.

Qəza zamanı Muxax kənd sakinləri - 64 yaşlı Aydın Həmzəyev və həyat yoldaşı 64 yaşlı Nigar Həmzəyevə müxtəlif dərəcəli bədən xəsarətləri alıblar.

Onlar Zaqatala Rayon Mərkəzi Xəstəxanasının Cərrahiyyə şöbəsinə yerləşdiriliblər.

Faktla bağlı Zaqatala rayon Polis Şöbəsində araşdırma aparılır.