Şahzadə Harri gözlənilmədən Kiyevə səfər edib

Britaniya şahzadəsi Harri Ukraynanın paytaxtı Kiyevə gözlənilməz səfər edib.

Ajans.az xəbər verir ki,bu barədə sentyabrın 12-də The Guardian nəşri məlumat yayıb.

Nəşrin məlumatına görə, səfər Ukrayna hökumətinin dəvəti ilə baş tutub. Şahzadə Harri səfər zamanı bildirib ki, müharibədə yaralanan hərbçilərin sağalması və reabilitasiyası üçün əlindən gələni etməyə hazırdır.

Qeyd olunur ki, onunla birlikdə fondunun nümayəndələri də Kiyevə gəlib. Səfər çərçivəsində komanda müharibə qurbanlarının reabilitasiyasına yönəlmiş yeni təşəbbüslərlə bağlı geniş müzakirələr aparmağı planlaşdırır.