Azərbaycandan ekstradisiya edilən qanqster Hindistana gətirildi

Sunil Meena adı ilə də tanınan qanqster Mayank Sinq Azərbaycandan ekstradisiya edildikdən sonra şənbə günü səhər Rançiyə gətirilib. Bu, Carkhand polisi üçün mühüm irəliləyiş hesab olunur. Əməliyyat Jharkhand Antiterror Qrupunun (ATS) xüsusi heyəti tərəfindən həyata keçirilib. Qrupa SP Rishav Kumar Jha rəhbərlik edib və Azərbaycana ekstradisiya prosedurlarını rəsmiləşdirmək məqsədilə səfər olunub.

Ajans.az The Economic Times-a istiandən xəbər verir ki,Sinq 2024-cü ilin oktyabrında Azərbaycanın Datu şəhərində saxlanılıb. Ona qarşı Carkhand, Racastan və Pəncab ştatlarında 50-dən çox cinayət işi qeydə alınıb. Rəsmilərin məlumatına görə, o, qanqster Aman Sahunun yaxın tərəfdaşıdır və Lourens Bişnoi dəstəsi ilə də əlaqələr saxlayaraq dövlətlərarası əməliyyatların koordinasiyasında mühüm rol oynayıb.

2024-cü ilin mayında Raipur polisi Aman Sahu dəstəsinə bağlı, Sinqhin göstərişi ilə hərəkət etdiyi deyilən dörd silahlını həbs edib. İstintaq zamanı məlum olub ki, Sinq əməliyyatları xaricdən idarə edib, qəsb və sifarişli hücumlarla bağlı göstərişlər verib. Həmin cinayətlərdə istifadə olunması planlaşdırılan odlu silahlar da aşkarlanıb.

Mayank Sinqh haqqında İnterpolun Qırmızı bülletenlə axtarış elan etməsi, onun beynəlxalq miqyasda tanınan təhlükəli cinayətkar kimi qeydə alınmasına səbəb olub. Bu, həm də onu xaricdə həbs edilən ilk Carkhand mənşəli qanqsterə çevirib.

Müstəntiqlər onun geri dönüşü ilə birlikdə Jharkhand, Racastan, Chhattisgarh və Pəncabı əhatə edən cinayətkar şəbəkələr və Bişnoi ilə Sahu qruplaşmaları üçün həyata keçirdiyi əməliyyatlarda oynadığı iddia edilən rol barədə daha ətraflı məlumat əldə etməyi gözləyirlər.