Nəhəng obyekt yadplanetlilər ola bilər

Harvard Universitetinin fiziki, professor Avi Loeb, Günəş sistemindən keçən nadir ulduzlararası obyektin “kəşfiyyat missiyasında olan yadplanetli texnologiya” ola biləcəyi ehtimalını irəli sürüb.

Ajans.az FOX-a istinadən xəbər verir ki,təxminən 20 kilometr enində olan və Manhettendən böyük sayılan 3I/ATLAS həm ölçüsünə, həm də parlaqlığına görə qeyri-adi hesab olunur. NASA obyekti kometa kimi təsnif etsə də, Loeb onun “adi kometadan fərqli” xüsusiyyətlərə malik olduğunu bildirir. Onun sözlərinə görə, kometalarda parıltı adətən arxada – toz və qaz quyruğunda görünür, lakin bu obyektin qarşı hissəsində parıltı müşahidə olunub.

Loeb həmçinin obyektin trayektoriyasının təsadüfi olmadığını düşünür: “Günəş sisteminə təsadüfi istiqamətlərdən daxil olan obyektlərin yalnız 500-dən biri planetlərin orbitləri ilə bu qədər uyğun gələrdi”. 3I/ATLAS-ın Mars, Venera və Yupiterin yaxınlığından keçəcəyi gözlənilir ki, bu da onun fikrincə, nadir təsadüf ola bilər.