Sürücü təhlükəli hərəkətə görə cərimələndi

Sakaryanın Adapazarı rayonunda toy karvanında təhlükəli hərəkət edən 28 yaşlı sürücü H.A-ya 37 min 211 türk lirəsi məbləğində inzibati cərimə tətbiq olunub.

Ajans.az Haber Global-a istinadən xəbər verir ki,adisə dünən axşam saat 19:30 radələrində Türkiyənin Karasu Dairəvi yolunda baş verib. H.A-nın toy karvanında etdiyi təhlükəli manevrlər həm özünün, həm də digər sürücülərin həyatını riskə atıb. Hadisə anı mobil telefon kamerasına düşüb.

Polis tərəfindən aparılan araşdırma nəticəsində sürücünün H.A. olduğu müəyyən edilib. Sürücünün əvvəlcə sürücülük vəsiqəsi ləğv edilmiş olsa da, avtomobili idarə etdiyi məlum olub.

“Yol Hərəkəti Haqqında” Qanunun müvafiq maddələrinə əsasən, sürücüyə qəza zolağının pozulması və digər qayda pozuntuları ilə bağlı ümumilikdə 37 min 211 TL məbləğində inzibati cərimə tətbiq olunub. Həmçinin, avtomobilin hərəkəti qadağan edilib.