Rusiyada məktəblərdə niqab qadağan edilib

Saratov bölgəsindəki məktəblərdə üzü tam örtən əşyaların, o cümlədən dini geyimlərə aid olan niqabın istifadəsinə qadağa qoyulub.

Ajans.az Lenta.ru-ya istinadən xəbər verir ki,yeni qaydalara əsasən, bölgədə məktəb şagirdləri yalnız tibbi səbəblərdən üz örtən vasitələrdən – məsələn, tibbi maskalardan istifadə edə bilərlər. Üzün digər şəkildə örtülməsi isə məktəblərdə qadağan edilib.

Bu qərarın məqsədi məktəb mühitində təhlükəsizlik və şəffaflığı təmin etməkdir. Qadağa xüsusilə niqab və buna bənzər üzü tam örtən geyimləri əhatə edir.

Bölgə məktəblərində bu qaydaların necə tətbiq olunacağı barədə əlavə məlumat veriləcək.