ABŞ-da United Airlines uçuşları nasazlığa görə dayandırıldı

ABŞ-ın "United Airlines" aviaşirkəti texnoloji nasazlıq səbəbilə əsas hava limanlarında uçuşları müvəqqəti dayandırıb. Nəticədə minlərlə sərnişin gecikmələrlə üzləşib.

Ajans.az BBC-ə istinadən xəbər verir ki, Çikaqo, Denver, Hyuston, San-Fransisko və Nyu-Cersi də daxil olmaqla bir neçə hava limanını əhatə edib. Uçuş izləmə platforması FlightAware bildirir ki, yalnız ABŞ-da 700-dən çox reys gecikib.

Aviaşirkət gecə saatlarında texniki problemin aradan qaldırıldığını açıqlasa da, qalıq gecikmələrin davam etdiyi bildirilib. Uçuşlar bərpa edilsə də, təyyarələrdə saatlarla gözləyən sərnişinlər narazılıq ifadə ediblər.

Nəqliyyat katibi Şon Daffi problemin daha geniş hava hərəkəti sisteminə bağlı olmadığını təsdiqləyib. CBS News qeyd edir ki, "United" insidenti qarşısı alına bilən gecikmə kimi qiymətləndirərək, sərnişinlərin bəzilərinin xərclərini ödəyə bilər.