İndoneziyada Semeru vulkanı iki dəfə püskürdü

İndoneziyanın Yava adasının şərqində yerləşən Semeru vulkanında iki dəfə püskürmə qeydə alınıb.

Ajans.az Antara News-a istinadən xəbər verir ki,ilk püskürmə yerli vaxtla saat 05:24-də baş verib. Vulkanik kül təxminən 600 metr yüksəklikdə havaya qalxaraq şimal-şərq istiqamətində yayılıb.

İkinci püskürmə isə yerli vaxtla saat 10:08-də baş verib və bu dəfə də vulkanik kül buludu eyni hündürlüyə – 600 metrə çatıb.

Qeyd edək ki, İndoneziya “Sakit Okean Atəş Halqası” adlanan zəlzələ və vulkanik fəallıq zonasının üzərində yerləşir. Ölkə ərazisində təxminən 130 aktiv vulkan mövcuddur.