İran sınaq həyata keçirib

İran “Qased” peykdaşıyıcısı ilə suborbital sınaq həyata keçirib.

Ajans.az mehrnews-a istinadən xəbər verir ki, İran “Qased” peykdaşıyıcısı ilə suborbital sınağı uğurla həyata keçirib. Sınağın məqsədi İran Kosmik Agentliyi (ISA) tərəfindən hazırlanmış yeni texnologiyaların — İranın peyklərinin, peykdaşıyıcılarının və kosmik sistemlərinin fəaliyyətini təkmilləşdirməyə yönəlmiş yeniliklərin — qiymətləndirilməsi olub.

Bu sınaq İranı texnologiya sahəsində bir addım daha irəli aparır və ölkənin gücünü, həmçinin müstəqilliyini artırır. Bu inkişaflar İranın regionda daha tanınmış gücə çevrilməsinə səbəb olur və ABŞ-ın başçılıq etdiyi Qərbin maraqlarına ziddir.

“Qased” (“Elçi”) peykdaşıyıcısı — İranın istehsalı olan, birdəfəlik istifadə üçün nəzərdə tutulmuş orbitə çıxış vasitəsidir. “Qased” ilk dəfə 2020-ci ildə sınaqdan keçirilib və həmin uçuş zamanı “Nur” peykini orbitə yerləşdirib.