Tramp Obamanın "həbs" videosunu paylaşıb

Tramp Obamanın "həbs" səhnəsini göstərən video paylaşıb.

Ajans.az lenta ru-ya istinadən xəbər verir ki, ABŞ Prezidenti Donald Tramp süni intellekt tərəfindən hazırlanmış, keçmiş Amerika lideri Barak Obamanın həbsini təsvir edən videonu sosial şəbəkə TruthSocial səhifəsində paylaşıb.

Video ABŞ-ın demokrat siyasətçiləri, o cümlədən Obama və keçmiş prezident Co Baydenin çıxışlarından bir fraqmentlə başlayır, onların hamısı “Heç kim qanundan üstün deyil” ifadəsini təkrar edir. Daha sonra 45 saniyəlik süni intellektlə hazırlanmış videoda Tramp və Obama Oval Ofisdə otururlar, sonra isə FBI agentləri Obamanı “The Village People” qrupunun Trampın seçki kampaniyasında aktiv istifadə etdiyi “YMCA” mahnısı fonunda həbs edirlər.