Viza­sız turistlərə 3 qat rüsum

Avropa İttifaqı qısamüddətli viza azadlığı olan ziyarətçilər üçün giriş haqqını üç dəfə artırmaq istəyir.

Ajans.az euronews-a istinadən xəbər verir ki, Avropa Komissiyası, Aİ büdcəsinə daha çox "öz resursları" toplamaq məqsədilə Aİ-yə gələn Aİ-yə üzv olmayan ölkə vətəndaşları üçün 20 avroluq rüsum təklif edir.

Avropa Komissiyası, vizasız səfər edən turistlər üçün nəzərdə tutulan və hal-hazırda 7 avro olan rüsumun 20 avroya qaldırılmasını təklif edib. Bu məlumatı yüksək rütbəli bir Aİ rəsmisi təsdiqləyib.

Vizasız səyahət hüququ, 2026-cı ilin son rübündən etibarən “Avropa Səyahət Məlumat Sistemi və İcazəsi” (ETIAS) vasitəsilə 30 Avropa ölkəsinə – Aİ üzvü olan ölkələrin hamısına (İrlandiya istisna olmaqla), eləcə də İslandiya, Norveç, Lixtenşteyn və İsveçrəyə şamil olunacaq.

ETIAS icazəsi, Böyük Britaniya, ABŞ, Kanada, Braziliya və Avstraliya kimi vizadan azad ölkələrin vətəndaşlarının bu ölkələrdə 90 günə qədər qısa müddətli qalmaq üçün almalı olduqları bir icazə olacaq.

Yeni təklifə əsasən, ETIAS sistemindən toplanan rüsumlar Aİ büdcəsinə yönəldiləcək.

Hazırda, ETIAS icazəsi üçün rüsum 7 avrodur. Bu rüsumdan 18 yaşdan kiçiklər və 70 yaşdan yuxarı şəxslər azaddır. Lakin Avropa Komissiyası bu məbləği 20 avroya çatdırmağı təklif edir ki, bununla əlavə maliyyə vəsaiti toplansın.