Voronejə dron hücumu: zərər çəkənlər açıqlanıb

Qubernator Voroneqə gecə vaxtı Ukrayna Silahlı Qüvvələrinin dron hücumu nəticəsində zərər çəkənlər haqqında təfərrüatları açıqlayıb.

Ajans.az lenta ru-ya istinadən xəbər verir ki, Ukrayna Silahlı Qüvvələrinin (USQ) Voronejə gecə dron hücumu nəticəsində 16 nəfər xəsarət alıb. Voronej vilayəti qubernatoru Aleksandr Qusev bu barədə Telegram-da məlumat verib.

Onun sözlərinə görə, 15 nəfər Voronejin Mərkəzi və Komintern rayonlarında yaralanıb. Onların arasında budundan zədə alan bir yeniyetmə də var. “Ən çox qəlpə yaraları və kəsilmiş xəsarətlər müşahidə olunur. Digər növ xəsarətlər və ağır vəziyyətlər də var: bir kişi komadadır, digərində isə ağciyər zədələnib,” – Qusev bildirib.

O əlavə edib ki, 13 nəfər xəstəxanaya yerləşdirilib, bir nəfər yüngül xəsarətlə poliklinikaya müraciət edib. Həmçinin xəstəxanaya müraciət etməkdən imtina edənlər də var. Bundan başqa, kənd rayonundan olan bir qadın çiyin nahiyəsinə qəlpə yarası ilə Voronej xəstəxanasına çatdırılıb.

Əvvəllər məlum olmuşdu ki, Voronej üzərində vurulan pilotsuz uçuş aparatlarının qalıqları yaşayış binasına, həmçinin uşaq bağçası və biznes mərkəzi binasına düşüb.

İyulun 15-nə keçən gecə Rusiya hava hücumundan müdafiə vasitələri Rusiyanın üzərində 55 ukraynalı pilotsuz uçuş aparatını vurub. Onlardan 12-si Voronej vilayəti üzərində məhv edilib.