Qəzzada zorakılıq iddiası

Qəzzada yardım paylanmasının təhlükəsizliyini təmin edən ABŞ-lı muzdlu hərbçilər, əməkdaşların Fələstinlilərə qarşı real mərmi istifadə etdiyini iddia etdilər. Çərşənbə gecəsi ən azı 94 Fələstinli İsrail hücumlarında həyatını itirib.

Ajans.az dw.com-a istinadən bildirir ki, Qəzzada yardım paylama məntəqələrini qorumaqla məsul olan amerikalı muzdlu hərbçilər aclıq böhranı ilə mübarizə aparan və ərzaq yardımlarına çatmağa çalışan fələstinlilərə qarşı real mərmi və səs bombası istifadə edildiyini iddia ediblər. Associated Press-ə (AP) adlarının açıqlanmaması şərti ilə danışan iki amerikalı muzdlu hərbçi, gördükləri tətbiqləri təhlükəli və məsuliyyətsiz saydıqları üçün danışmağa qərar verdiklərini bildiriblər.

Xəbərə görə, həmin iki əməkdaş təhlükəsizlik personalının çoxunun lazımi ixtisasa malik olmadığını, nəzarətsiz və ağır silahlarla təchiz olunduğunu, “görünür, istədikləri hər şeyi etmək icazəsinə sahib olduqlarını” qeyd ediblər.

Məlumat mənbələrindən biri deyib ki, güllələrin “hər istiqamətə – havaya, yerə və bəzən Fələstinlilərə doğru atıldığını” görüb və ən azı bir nəfərin vurulmuş ola biləcəyini ehtimal edir. Mənbə əlavə edib: “Məsum insanlar yaralanır. Üstəlik, buna heç bir ehtiyac olmadan və ciddi şəkildə.”

Həmin muzdlu hərbçi bildirib ki, yardım məntəqələrindəki amerikalı personal ərzaq almağa gələnləri izləyir və “şübhəli” saydıqları hər kəsi sənədləşdirir, bu məlumatları isə İsrail ordusuna ötürür.

Mübahisəli “yardım” təşkilatı

Muzdlu hərbçilərin verdiyi məlumatlar, AP-nin əldə etdiyi videolar, daxili hesabatlar və yazışmalar birlikdə Gazze İnsanitar Yardım Fondu (GHF)-nun daxili işlərinə dair ipucları verir. GHF-nin yardım məntəqələri İsrail ordusunun nəzarətində olan ərazilərdə yerləşdiyindən jurnalistlərin bu sahələrə çıxışı yoxdur. Buna görə AP müstəqil olaraq muzdlu hərbçilərin məlumatlarını təsdiqləyə bilmədiyini bildirir.

GHF, İsrailin may ayında Fələstinliləri dərin humanitar böhrana sürükləyən blokadanı qismən qaldırmasından sonra yaradılıb. İsrail tərəfindən dəstəklənən bu “gizli” ABŞ təşkilatının, BMT və digər yardım qurumları vasitəsilə edilən yardımları əvəz etmək üçün qurulduğu qeyd olunur. İsrail iddia edir ki, BMT və digər qurumların təşkil etdiyi yardımlar Hamas tərəfindən oğurlanıb satılır.

Qəzzada yardım paylama məntəqələrinin yaxınlığında baş verən çoxsaylı ölüm hadisələrindən sonra yardım təşkilatları GHF-ni sərt tənqid edərək fondun Qəzza Zolağındakı mübahisəli yardım fəaliyyətlərinə dərhal son qoymasını tələb etmişdi.Digər tərəfdən, çərşənbə gecəsi İsrailin davam edən hava və silahlı hücumlarında ən azı 94 fələstinlinin həyatını itirdiyi bildirilib. Həmin gün Hamasın nəzarətində olan Qəzza xəstəxanaları və Səhiyyə Nazirliyinin açıqlamasına görə, ölümlərin 45-i həyati önəm daşıyan humanitar yardımlara çatmağa çalışarkən baş verib. Bu şəxslərin beşi GHF ilə əlaqəli ərazilərdə vurulub. Digər 40 fələstinli isə Qəzzanın müxtəlif nöqtələrində yardım maşınlarını gözləyərkən hədəfə alınıb.