SEPAH açıqlama YAYDI

İslam İnqilabı Keşikçiləri Korpusu (SEPAH) bildirib ki, İran İsrailin şimalından cənubuna raket və kamikadze pilotsuz uçan aparatla hücum edib ki, bu silahlı qarşıdurma başlayandan bəri ən uzun zərbədir.

Ajans.az xəbər verir ki, qeyd olunduğu kimi, iyunun 23-ü bazar ertəsi səhər İran qüvvələri raket kampaniyasının 21-ci dalğası çərçivəsində işğal olunmuş ərazilərdəki müxtəlif hədəflərə bir sıra raket zərbələri endirib. Koordinasiyalı hücumda həm bərk yanacaqla işləyən raketlərdən, həm də maye yanacaqlı döyüş başlıqlarından istifadə edilib.

"İsraillilər bu hücumun işğal olunmuş ərazilərdə ən uzun həyəcan təbili çaldığını, qorxu və panikaya səbəb olduğunu deyirlər", - Mehr xəbər agentliyi SEPAH-dan sitat gətirir.

Təqdim olunan məlumatlara görə, Təl-Əviv, Şimali Hayfa, Aşkelon, Akko və Aşdod İran raketləri ilə vurulub. Bundan əlavə, çoxlu sayda raketlər Təl-Əvivin cənubundakı Safed, Aşkelon, Beyt Şean və Laçişə də düşüb.

Bu arada İsrailin müdafiə naziri İsrael Katz bildirib ki, İsrail Hərbi Hava Qüvvələri Tehrandakı hökumət obyektlərinə “görünməmiş dərəcədə güclü” raket zərbələri endirir. O, İrana hər raket zərbəsinə sərt cavab verəcəyinə söz verib.