Aİ və Kanada NATO sammiti öncəsi təhlükəsizlik paktı İMZALAYACAQ

Kanada hökumət rəsmilərinə istinadən bildirib ki, Avropa İttifaqı və Kanada iyunun 23-də təhlükəsizlik və müdafiə sahəsində tərəfdaşlıq sazişi imzalamaq niyyətindədirlər.

Ajans.az xəbər verir ki, bu barədə “Bloomberg” məlumat yayıb.

Təklif olunan saziş Kanada və Aİ üzvlərinə hərbi tədarüklər üzrə səylərini birləşdirməyə zəmin yaradacaq ki, bu da öz növbəsində gələcək danışıqlara qədər, bahalı və mürəkkəb müdafiə sistemləri əldə etmək üçün sursatlara çıxışı və resursları birləşdirməyi daha tez və ucuzlaşdıracaq.

İyunun 23-də Kanadanın baş naziri Mark Karni Avropa Komissiyasının sədri Ursula fon der Leyen və Avropa Şurasının sədri Antonio Kosta ilə görüşəcək. Onlar Kanada və Aİ-nin yaxın illərdə öz fəaliyyətlərini əlaqələndirə biləcəkləri sahələrin iddialı siyahısını əks etdirən birgə bəyanat yaymağı planlaşdırırlar.

Bundan əvvəl ABŞ prezidenti Donald Tramp Vaşinqtonun maraqlarına zərər vurmaq üçün əməkdaşlıq etsələr, Avropa İttifaqı və Kanadanı daha da yüksək tariflər tətbiq edəcəyi ilə hədələmişdi.