İsrail İrana aid daha iki dronu vurub

İsrail ordusu İrana aid daha iki pilotsuz uçuş aparatını vurub.

Ajans.az xəbər verir ki, bu barədə İsrail Müdafiə Qüvvələri məlumat yayıb.

İki dronun İsrailin cənubunda yerləşən Arava bölgəsi üzərində vurulduğu bildirilir. Dron təhlükəsi ilə bağlı Beyt-Şean adlı ərazidə həyəcan təbili çalınıb.

İsrail-İran eskalasiyası başlanandan bəri ilk dəfə olaraq İran PUA-sı yaşayış sahəsinə daxil olub və onun yaşayış binalarından birinə çırpıldığı deyilir.

Əraziyə təcili tibbi yardım dəstələrinin göndərildiyi bildirilir.