Netanyahudan AÇIQLAMA: TEHRANI BOŞALDIN...

Dünya 17-06-2025 - 00:14

O bəyənatında “İsrail Hərbi Hava Qüvvələri Tehran səmasına nəzarət edir”; “Tehranı boşaldın, hərəkətə keçirik” deyə qeyd edib.

Ajans.az xəbər verir ki, bu sözləri İsrailin Baş naziri Benyamin Netanyahu deyib. O, İrana qarşı yeni hücuma işarə edib:

“Mülki insanları hədəf alan İranın rejimindən fərqli olaraq, biz rejim hədəflərini vururuq. Biz zəfər yolundayıq. Biz iki əsas məqsədimizə nail olmaq ərəfəsindəyik: Nüvə və raket təhlükəsinin aradan qaldırılması... Tehranın səması nəzarət altındadır. Tehran vətəndaşlarına deyirik: Evakuasiya edin. Hərəkətə keçirik”, - o əlavə edib.

Qeyd edək ki, İsrailin İranın nüvə obyektlərinə qarşı “Yüksələn şir” əməliyyatına başlamasının dördüncü günüdür.

İran Səhiyyə Nazirliyinin sözçüsü bildirib ki, indiyədək İsrailin İrana hücumları nəticəsində 224 nəfər həlak olub və ölənlərin 90 faizi mülki şəxslərdir.

İranın İsrailə hücumları nəticəsində azı 24 nəfər ölüb, yüzlərlə insan yaralanıb.