Rusiyaya kütləvi kiberhücum OLDU

Ötən gecə kütləvi DDoS hücumu Rusiyanın Krasnoyarskda fəaliyyət göstərən iri provayderi “Orion Telecom”un fəaliyyətini pozub.

Ajans.az xəbər verir ki, bu barədə şirkətin “Telegram” kanalında məlumat verilib.

“Şirkətin şəbəkə və server infrastrukturu güclü DDoS hücumuna məruz qalıb, hücumçular operatorun sistemlərini çoxlu sayda sorğu ilə yükləyirlər”.

“Orion Telecom” operatoru ev İnterneti, mobil rabitə və rəqəmsal televiziya xidmətləri göstərir. Həddindən artıq yüklənmə əsas xidmətlərin sıradan çıxmasına səbəb olub, xüsusən də İnternetə çıxış bağlanıb. Hazırda provayder zərərli trafiki izləyir və bloklayır, onun qoruyucu resurslarını artırır.

Şirkət bir gün ərzində xidmətlərin bərpasını başa çatdırmağa ümid edir.