ABŞ-nin Qəzzada atəşkəs planı AÇIQLANDI

ABŞ-nin Qəzzada 60 günlük atəşkəs planı girov və əsir mübadiləsini, İsrail qoşunlarının yenidən yerləşdirilməsini və ABŞ, Misir və Qətərdən zəmanət tələb edir.

Ajans.az xəbər verir ki, bu barədə “Times of Israel” qəzeti sənədin tam mətninə istinadən məlumat yayıb.

Sənəddə deyilir:

“Qarant vasitəçilər (ABŞ, Misir, Qətər) atəşkəsin 60 günlük müddətə və razılaşdırılmış uzadılmasına davam edəcəyinə zəmanət verir, daimi atəşkəs üçün lazımi razılaşmalar üzrə ciddi müzakirələrin aparılacağına zəmanət verir və yuxarıda qeyd olunan danışıqların başa çatması üçün hər cür səy göstərəcək”.

Qeyd olunur ki, plan Qəzzaya əhəmiyyətli humanitar yardımların göndərilməsini, həmçinin fələstinli məhbusların azad edilməsi müqabilində israilli girovların mərhələli şəkildə köçürülməsini nəzərdə tutur.

Bundan əvvəl İsrailin ABŞ-ın xüsusi nümayəndəsi Stiv Vitkoffun təqdim etdiyi Qəzzada atəşkəs təklifi ilə razılaşdığı məlum olub.