ABŞ Zelenskini NATO sammitində görmək istəmədi

ABŞ Ukrayna prezidenti Vladimir Zelenskinin 24-25 iyun tarixlərində Haaqada keçiriləcək Şimali Atlantika Alyansının sammitinə dəvət edilməsinə qarşı çıxıb.

Ajans.az xəbər verir ki, bu barədə İtaliyanın ANSA agentliyi mənbələrə istinadən məlumat yayıb.

“ABŞ Ukrayna prezidenti Zelenskinin NATO-nun Haaqa sammitinə dəvət göndərilməsinin əleyhinədir", - diplomatik mənbələr bildirib.

Məqalədə həmçinin qeyd olunur ki, hazırda NATO-nun yalnız dörd Asiya tərəfdaşı dəvət olunub: Yaponiya, Cənubi Koreya, Avstraliya və Yeni Zelandiya. Agentliyin mənbəsinin sözlərinə görə, demək olar ki, bütün müttəfiqlər Vaşinqtonda bu seçimlə bağlı şübhələrini bildiriblər.

Daha əvvəl bildirilmişdi ki, NATO sammiti iştirakçıları Ukraynanın alyansa üzvlüyündən çox, hərbi xərclərin artırılması və hərbi istehsalın artırılması mövzusuna diqqət yetirəcəklər. Bundan başqa, alyansın Kiyevə 40 milyard dollarlıq dəstək verməklə bağlı ötən il verdiyi vədi uzatmaq məsələsi də müzakirə olunmayacaq.