Yanan bina yanğınsöndürənlərin üzərinə ÇÖKDÜ - ANBAAN DƏHŞƏTLİ ANLAR

Kocaelinin Darıca rayonunda bir evdə başlayan yanğın bitişik iki evə keçərək ümumilikdə 3 evi yararsız hala salıb.

Ajans.az xəbər verir ki, yanğın zamanı bir neçə kiloqram olan taxta evin divarı yanaraq 2 yanğınsöndürənin üzərinə düşüb.

Ətrafdakıların xəbəri üzərinə hadisə yerinə xilasetmə, sağlamlıq və polis qrupları sövq edilib. Alovun söndürülməsi üçün işlər aparılarkən, müdaxilə edən iki yanğınsöndürən taxta materialların yıxılması nəticəsində yaralanıb. Yaralılar təcili tibbi yardım maşını ilə xəstəxanaya aparılarkən, yanğın 1 saatlıq iş nəticəsində söndürülüb.

3 ev dağılarkən, yaralıların vəziyyətinin yaxşı olduğu öyrənilib. Yanğınla bağlı araşdırmalara başlanılıb. İnternetdə yayılan kadrlarda taxta evin divarının evin girişində gözləyən yanğınsöndürənlərin üzərinə aşması, 2 yanğınsöndürənin düşən parçanın altında qalması, 1 yanğınsöndürənin isə son anda xilas olması əks olunub.