Bu ərazidə hücum təhlükəsi ELAN EDİLDİ

Şimali Osetiyada mayın 2-də cümə günü səhər saatlarında pilotsuz uçuş aparatlarının hücumu təhlükəsi elan edilib.

Ajans.az xəbər verir ki, bu barədə regionun rəhbəri Sergey Menyailo “Telegram” kanalında məlumat verib.

“Əməliyyat Qərargahı işləyir. Sakit olun və yalnız təsdiqlənmiş məlumatlara etibar edin”, - Menyailo yazıb.

Regionun qubernatoru Vladimir Vladimirovun verdiyi məlumata görə, bir gün əvvəl Stavropol diyarında da İHA hücumu təhlükəsi elan edilib.

Qeyd edək ki, ötən gecə Rusiya Federasiyasının bir sıra regionları üzərində Ukraynaya məxsus 121 təyyarə tipli pilotsuz uçan aparat məhv edilib. Düşmənin ən çox sayda pilotsuz təyyarəsi Krım Respublikası üzərində, 23-ü Qara dəniz üzərində ələ keçirilib. Bu barədə Rusiya Müdafiə Nazirliyi məlumat yayıb.