Pentaqon bu xəbəri təkzib ETDİ

Pentaqon Qərb mediasında ABŞ-nin müdafiə naziri Pit Heqsetin qohumlarının və vəkilinin iştirak etdiyi şəxsi qrup söhbətinə məxfi məlumatları ötürməsi ilə bağlı yayılan şayiələri qəti şəkildə təkzib edib.

Ajans.az xəbər verir ki, bu barədə departament rəsmi məlumat yayıb.

Daha əvvəl Amerikanın “The New York Times” qəzeti adı açıqlanmayan mənbələrə istinadən iddia etmişdi ki, Heqset ABŞ-nin Yəməndəki hərbi əməliyyatları haqqında məlumatları Signal proqramına göndərib. Nəşrin məlumatına görə, yazışmalarda onun həyat yoldaşı, qardaşı və vəkili iştirak edib. Bununla belə, Pentaqon mesajlarda heç bir məxfi məlumatın olmadığını bildirib. Departament əlavə edib ki, NYT məqaləsi rəhbərliyə qarşı kin saxlayan işdən çıxarılan işçilərin sözlərinə əsaslanır.

ABŞ Müdafiə Nazirliyindəki vəziyyət agentliyin işini çətinləşdirir. “Politico”ya görə, Pentaqonun keçmiş mətbuat katibi Con Ullyot qeyd edib ki, departament bir aydan çoxdur ki , məlumat sızması və kütləvi ixtisarlar səbəbindən böhran yaşayır . O, qeyd edib ki, bu yaxınlarda üç yüksək vəzifəli məmur məxfi məlumatları açıqladığına görə vəzifəsindən uzaqlaşdırılıb.