Namibiyanın ilk qadın prezidenti seçildi
Noyabrın 27-də keçirilən prezident seçkilərində Namibiyanın vitse-prezidenti və hakim partiya olan SVAPO - Namibiya Cənub-Qərbi Afrika Xalq Təşkilatının namizədi Netumbo Nandi-Ndaitva qalib gəlib.
Ajans.az xarici KİV-ə istinadən xəbər verir ki, bu barədə seçki komissiyası təqdim edilmiş bütün bülletenləri emal etdikdən sonra məlumat yayıb.
Seçki komissiyasının məlumatlarında qeyd edilib ki, Nandi-Ndaitwa 57% səs toplayıb.
O, ölkəsində ilk qadın prezident olub. Namibiyanı əvvəllər heç vaxt qadın idarə etməyib.
Prezident seçkilərində 15 namizəd iştirak edib. Birinci turda qalib gəlmək üçün onlardan birinin 50+1% səs toplaması lazım idi.
72 yaşlı Nandi-Ndaitva Afrikanın ən təcrübəli siyasətçilərindən biridir. SSRİ-də təhsil alıb və “Kommunist gənclər hərəkatının işi və təcrübəsi” ixtisası üzrə diplom alıb. Sonrakı illərdə Nandi-Ndaitva müxtəlif dövlət vəzifələrində çalışıb və eyni zamanda parlament üzvü olub.
