Masallıda qəza - Piyada öldü
Hadisə
12-10-2024 - 09:42
Masallıda ölümlə nəticələn yol-nəqliyyat hadisəsi baş verib.
Ajans.az “qafqazinfo”ya istinadən xəbər verir ki, hadisə Ələt-Astara magistralında, Masallı rayonu ərazisində qeydə alınıb.
Belə ki, “Mercedes VİTO” markalı minik avtomobili yolu keçmək istəyən rayonunun Sərçuvar kənd sakini 1980-cı il təvəllüdlü Məhərrəm Əlihüseyn oğlu Seyfiyevi vurub.
Sürücü piyadanı avtomobili ilə Lənkəran Rayon Mərkəzi Xəstəxanasına çatdırıb. Buna baxmayaraq M. Seyfiyev aldığı xəsarətlərdən ölüb.
Faktla bağlı araşdırma aparılır.
