Lavrov İrəvana səfər etməyi planlaşdırdığını AÇIQLADI

Lavrov

Dünya 21-01-2025 - 16:10

Rusiya Federasiyası Xarici İşlər Nazirliyinin (XİN) rəhbəri Sergey Lavrov Ermənistan diplomatik idarəsinin rəhbəri Ararat Mirzoyanın İrəvana səfər təklifini qəbul edəcəyini bildirib.

Ajans.az xəbər verir ki, bu barədə RİA Novosti məlumat yayıb.

"Mən Ararat Samveloviçin bu gün mənə təsdiq etdiyi dəvətdən - İrəvana səfər etməkdən mütləq istifadə edəcəyəm", - Lavrov deyib. Onun sözlərinə görə, iki nazirin müavinləri arasında dialoq bərpa olunacaq, dialoqun müntəzəmliyi saxlanılacaq.

Lavrov daha əvvəl Rusiyanın hərbi sahədə də daxil olmaqla, razılaşmalara sadiqliyini vurğulamışdı. O, həmçinin bəyan edib ki, Rusiya Ermənistanla ikitərəfli münasibətlərinə Rusiya-Ermənistan müttəfiqliyində maraqlı olmayan regiondankənar oyunçuların mənfi təsir göstərməməsində maraqlıdır.