Kralın iqamətgahından OĞURLUQ EDİLDİ
Böyük Britaniyada naməlum şəxslər III Çarlzın iqamətgahının ərazisinə daxil olaraq “İsuzu” markalı pikap və qırmızı rəngli ATV-ni oğurlayıblar.
Ajans.az bu barədə “The Sun”a istinadla xəbər verir.
Hadisə oktyabrın 13-də Vindzor qəsrində baş verib, lakin polis quldurluğu bazar günü, noyabrın 17-də təsdiqləyib. Naməlum maskalı basqınçılar iqamətgahın iki metrlik hasarını aşıb, texnikanın saxlandığı tövləyə daxil olub və orada gözdən itiblər.
Nəşrin mənbəsinin bildirdiyinə görə, onlar iqamətgahın mühafizə olunan qapısını sındırmaq üçün pikapdan istifadə ediblər.
“Onlar çox güman ki, oğurluqdan əvvəl avtomobillərin harada saxlandığını bilirdilər. Necə və nə vaxt gizlənməyin daha yaxşı olduğunu bilirdilər. Cinayətkarlar yəqin ki, bir müddətdir ki, Vindzor qəsrini izləyirdilər”, – deyə bir insayder “The Sun”a bildirib.
Bundan başqa, məlum olub ki, basqın zamanı Çarlz III-ün böyük oğlu Şahzadə Uilyam, onun həyat yoldaşı Keyt Middlton və onların uşaqları Vindzor qəsrindən beş dəqiqəlik məsafədə yerləşən Adelaide kottecində olublar. Xərçəng xəstəliyinə tutulmuş monarxın özü o zaman Şotlandiyada, Kraliça Kamilla isə Hindistanda kurortda idi.
Cinayətkarlar hələ də tutulmayıb, araşdırma aparılır. “The Sun” qeyd etdiyi kimi, oktyabr ayından kral iqamətgahının ərazisi hərbçilər tərəfindən qorunur.
