İtaliyada güclü partlayış oldu - Ölənlər var
Dünya
09-12-2024 - 17:06
Bazar ertəsi İtaliyanın Eni enerji qrupuna (ENI.MI) məxsus yanacaq anbarında baş vermiş partlayış nəticəsində 2 nəfər ölüb, 9 nəfər yaralanıb və 4 nəfər itkin düşüb.
Ajans.az xəbər verir ki, bu barədə yerli hakimiyyət orqanları bildiriblər.
Partlayış Toskana paytaxtının şimal kənarındakı Kalenzanoda yükləmə zonasında baş verib, lakin ərazinin yanacaq anbarlarına təsir etməyib. Regional prezident Eugenio Giani sosial mediada yazıb:
“Bütün Toskana bu gün Calenzanoda baş verən faciəyə görə kədər içində birləşir”.
Yanğınsöndürənlər yanğının söndürüldüyünü bildirib, İtaliyanın Mülki Müdafiə Agentliyi isə yerli əhalini hadisə yerindən uzaq durmağa və evdə qalmağa çağırıb.
