İsraildə BÖHRAN: Əsgərlər özlərini öldürməyə başladı

Ajans.az xəbər verir ki, İsrail mediası Qəzza zolağında və Livanın cənubundakı qarşıdurmalarda iştirak edən ən azı 6 İsrail əsgərinin psixoloji problemlərə görə intihar etdiyini bildirib.

Son aylarda İsrailin Qəzza və Livandakı hücumlarında uzun müddət xidmət etdikdən sonra psixologiyası pisləşən ən azı 6 İsrail əsgərinin intihar etdiyi bildirilib. Qeyd olunur ki, intihar edən İsrail əsgərlərinin sayının daha çox olduğu təxmin edilir, lakin İsrail ordusu bu günə qədər bu məsələ ilə bağlı rəsmi məlumatları paylaşmaqdan imtina edib və ilin sonunda bu məlumatları paylaşacağını bildirib. İsrail ordusunun yaratdığı ruhi sağlamlıq klinikalarına minlərlə İsrail əsgərinin, eləcə də sahədə növbətçi psixoloqların müraciət etdiyi bildirilib.

İsrailin Qəzza və Livandakı hücumlarına qatılaraq psixologiyasını pozan İsrail əsgərlərinin təxminən üçdə birinin "travma sonrası stress pozğunluğu"ndan əziyyət çəkdiyi diqqətə çatdırılıb. 1700 əsgər psixoloji müalicə alıb.