Hizbullah yeni hökumət dövründə Suriyanı dəstəkləyəcək
Siyasət
11-12-2024 - 11:46
Livanın “Hizbullah” şiə hərəkatı yeni hökumət hakimiyyətə gəldikdən sonra Suriyaya dəstəyini davam etdirəcək.
Ajans.az xəbər verir ki, bu barədə qrupun mətbuat xidməti məlumat yayıb.
Mətndə deyilir:
“Biz Suriyanın və onun xalqının öz gələcəyini təyin etmək və düşmənlərinin İsrail varlığını qəsb etməsinə müqavimət göstərmək hüququnda dəstəyi olaraq qalacağıq”.
Hərəkat ölkə daxilində vəziyyətin sabitləşməsinə, eləcə də Dəməşqin “İsrail işğalına” qarşı möhkəm mövqe tutacağına ümid etdiyini bildirib. Hizbullah İsrailin Suriyanın hərbi infrastrukturuna hücumunu pisləyib və beynəlxalq ictimaiyyəti “bu təcavüzü dayandırmağa və Suriya xalqını tarixinin kritik və dönüş nöqtəsində qorumağa” çağırıb.
Şahanə Paşazadə
Vəzifəsi: Müxbir
