DƏHŞƏT: Keçmiş sevgilisinin evinə basqın etdi, 12 dəfə atəş açaraq... - ŞOK VİDEO

Ajans.az xəbər verir ki, 22 yaşlı İ.Ş-nin evinə 7 ay əvvəl tərk etdiyi Süleyman Begik tərəfindən səhər saatlarında silahlı basqın edilib. 

Dəhşət anlarında gənc qızın valideynləri güllə hədəfi olub. Atanın həyat uğrunda mübarizə apardığı bildirilib.

Ailəni vuran hücumçu İ.Ş, atası Ş.Ş. (49) və anası G.Ş. Təcavüzkar Sarıyer Asayiş Bürosu qrupları tərəfindən tutularaq həbs olunarkən, 5 yerindən dəyən güllə ilə ağır yaralanan ata Ş.Ş.-nin xəstəxanada həyat mübarizəsi apardığı öyrənilib.

Hadisə bazar ertəsi, noyabrın 18-i saat 02.15 radələrində baş verib. İddiaya görə, Süleyman Begik və İ.Ş. əvvəllər münasibətdə olub. Təxminən 5 aya yaxın Begiklə birlikdə olan İ.Ş. keçən apreldə zorakılıq səbəbilə Begikdən ayrılıb.

Bu vəziyyəti həzm edə bilməyən və İ.Ş.-yə aludə olan Begik aylarla onu narahat etməyə davam edib. Hadisədən saatlar əvvəl Begik İ.Ş-nin iş yerinə gələrək onu zorla maşınına mindirməyə çalışıb. Lakin İ.Ş onun əlindən qaçaraq taksi ilə evə gəlib.

Bu dəfə başqa nömrədən İ.Ş-yə zəng vuran Begik “Çıx çölə, səninlə sonuncu dəfə danışacağam, bir daha görüşməyəcəyik, çölə çıxmasan, evinizə girəcəm” ifadələrini işlədib.

Baş verənlərdən sonra gecə saatlarında avtomobili ilə İ.Ş.-nin evinin qarşısına gələn Begik tapança ilə iki atəş açıb. Begik daha 3 atəş açdıqdan sonra bu dəfə İ.Ş.-nin atası Ş.Ş. və anası G.Ş. qapıya gəliblər. Bu zaman hücumçu Begik tapançasından İ.Ş.-nin ailəsinə 12 atəş açıb. Hücum nəticəsində ata Ş.Ş. ayağına və qarnına dəyən 5 güllə ilə ağır yaralanıb. İ.Ş. və anası G.Ş. yüngül xəsarət alıblar.

Hadisədən sonra cinayətkar Süleyman Begik mindiyi avtomobillə sürətlə qaçaraq yoxa çıxıb. Həyati təhlükəsi olan ata Metin Sabancı Baltalimanı Sümük Xəstəlikləri Təhsil və Araşdırma Xəstəxanasına aparılıb. İlkin yardımı burada göstərilən Ş.Ş. Daha sonra təcili yardım maşını ilə Seyrantəpə Şişli Hamidiye Etfal Təhsil və Araşdırma Xəstəxanasına aparılıb və müalicə alıb. Ş.Ş.-nin qarnına dəyən güllədən mədəsinin, ayaqlarına dəyən güllələrdən isə sümüklərinin zədələndiyi öyrənilib. Reanimasiya şöbəsində müalicə alan şəxsin həyat mübarizəsi apardığı öyrənilib.

Digər tərəfdən hadisə ilə bağlı işə başlayan Sarıyer Asayiş Bürosu qrupları Süleyman Begiki Ayazağa səmtindəki bir ticarət mərkəzində gündüz saatlarında yaxalayıb. Nəzarətə alınan Begikin gizlətdiyi sənədsiz silah da polis tərəfindən müsadirə edilib. Hadisə yerində aparılan araşdırma zamanı 12 ədəd boş patron götürülüb. Polisə aparılan Begikin müxtəlif cinayətlərə görə 8 qeydinin olduğu üzə çıxıb. İfadəsi alınan və məhkəmə prosesi aparılan Süleyman Begik sövq edildiyi məhkəmə tərəfindən "qəsdən adam öldürməyə cəhd" cinayətindən həbs edilərək həbsxanaya göndərilib.

Hadisə ilə bağlı danışan İ.Ş, “Süleyman Begik adlı şəxs 8 aya yaxındır məni izləyirdi və məni narahat edirdi. O, mənim keçmiş sevgilimdir, mənə aludə oldu. Davamlı olaraq məni narahat edirdi, döyürdü. Əvvəl iş yerimə basqın etdi, davamlı olaraq mənimlə danışdı. Və mənimlə görüşmək istədi. Gözəl danışdığım zamanlar oldu, amma başa düşmədi. Bir gün ondan qaçmağa çalışarkən məni küncə sıxdı. Bizim küçədə qışqırdım və kömək istədim, Təhqirlərinə davam etdi və nəhayət, belə bir iş gördü və atama xəsarət yetirdi” sözlərini dilə gətirib.