"Davamlı sülh üçün şərait lazımdır" - Putin
Dünya
18-10-2024 - 22:53
Rusiya Ukraynada hamı üçün bərabər təhlükəsizliyi təmin edəcək davamlı sülhün bərqərar olmasının tərəfdarıdır.
Ajans.az xəbər verir ki, bunu Rusiya prezidenti Vladimir Putin deyib. Onun fikrincə, bu, bir həftəlik, bir illik barışıq olmamalıdır.
"Bunlar atəşkəslə bağlı proseslər olmamalıdır - bir həftəlik, iki və ya bir il müddətinə ki, NATO ölkələri yenidən silahlansın. Bizə uzunmüddətli və davamlı sülh üçün şərait lazımdır ”, - deyə Putin bildirib.
Dövlət Dumasının Müdafiə Komitəsinin üzvü Andrey Kolesnik daha əvvəl bildirib ki, Rusiya Silahlı Qüvvələri ilə Ukrayna Silahlı Qüvvələri arasında qış atəşkəsi çətin ki , mümkün olsun. Onun sözlərinə görə, ABŞ və NATO bununla bağlı heç bir addım atmır.
